Jolka znowa sta hosći přiwabiła

póndźela, 14. januara 2019
artikl hódnoćić
(0 )
Beno Hojer a Metod Šołta (wotlěwa) staj takrjec live němskorěčny skeč synchronje do serbšćiny přełožiłoj. Beno Hojer a Metod Šołta (wotlěwa) staj takrjec live němskorěčny skeč synchronje do serbšćiny přełožiłoj.

Snadny rozdźěl mjez srjedźowěkom a našim časom z wida přichoda

Nuknica (SN/bn). W kopatej połnej Brězanec bróžni je wjesny klub Nuknica sobotu 21. jolka-swjedźeń wuhotował. Hesło wječora bě „Klumpańca na hrodźišću“. A tajku je předewšěm SG Sněhowka předstajiła. W swojim kabareće prašeše so skupina mjez druhim za „serbskej zemju“, nimo toho je pokazała, kak kapi­talizm funguje: Samo jeli ničo njepředaš – ani „čwak Minakałskeje wjelčeje­ šunki ani sušenej delanskej morcheji“ –, ludźo swěru płaća. Trójce zanjese­ trójka swój hit „Satkula“.

Najlěpši wothłós žněješe dźěćacy chór za spěw „Hdyž budu wulki/wulka ...“. Tež dorosćeni spěwarjo, tónraz jako Chór přehrěšenych Milčanow, zamóchu wo­pytowarjow zahorić. Kompetentny di­rigent wobeju cyłkow bě Michał Cyž, kiž je wospjet wuměłski nawod za jolku přewzał. Program wopřiješe znowa tradicionalnu reju žonow z Nuknicy, Prawoćic a Kopšina, kwis, přesadźowanje kołbasy a dar swinjaceho pucherja, kotryž přizna moderator Marko Jurk Bjarnatej Cyžej za to,­ zo „hižo 24 lět wobstajnje na jolku chodźi“. Wopačnu ličbu wšak wjacekróć wospjetowaše, zjimajo: „Nowej dobje a mi móžeće wšitko wěrić.“

Wosebity hósć lětušeho swjedźenja bě spěwytwórc Bernd Pittkunings. Nimo dweju spěwow wěnowaše so wón sati­risce poćahej mjez Delnjej a Hornjej Łu­žicu. Nowosć bě wustup Metoda Šołty a Bena Hojerja, kotrejuž Jurk jako dorost předstaji. Młodaj wučerjej synchro­nizowaštaj scenu telewizijneho rjadu „Sketch History“. Wječor wuklinča ze spěwarku Milenu Wowčerjec a ze za­kónčacym wohnjostrojom. Skupina SerBeat postara so na to wo reje a dobru naladu.

wozjewjene w: Lokalka

Galerija

dalši wobraz (1) Reju „NuPraKo“-žonow pokazachu najprjedy w porikach, na to wutworichu z wjacorymi dźěćimi z publikuma srjedźowěkowske koło. Foto: SN/Hanka Šěnec
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND