Wjele pjenjez za „čerstwu zeleń“

srjeda, 22. meje 2019
artikl hódnoćić
(0 )
Kamjenc tež lětsa jako „zelene město“ wjele pjenjez do hladanja parkow a zelenišćow inwestuje. Nimo nalětnjeho a lětnjeho zwosadźenja rabatow je tež jara wažne ležownosć w Ludowym parku wudźeržować. Foto: Feliks Haza Kamjenc tež lětsa jako „zelene město“ wjele pjenjez do hladanja parkow a zelenišćow inwestuje. Nimo nalětnjeho a lětnjeho zwosadźenja rabatow je tež jara wažne ležownosć w Ludowym parku wudźeržować. Foto: Feliks Haza

Kamjenc so tež rady „zelene město“ mjenuje. Tomu wotpowědnje wudawa w běhu lěta wjele pjenjez za to, wudźeržować parki a zelenišća – lětsa něhdźe 695 350 eurow.

Kamjenc (SN/mwe). Za prawidłowne trawusyčenje abo kóždolětne wurězanje štomow je to něhdźe 27 000 eurow. Za dźěła na Pastwinej horje, hladanje parkow a naměstow, hrajkanišćow kaž tež wopomnišćow ma Lessingowe město tónkróć něhdźe 576 350 eurow zaplanowanych. Kóžde lěto sadźeja nalěto a w lěću kwětki a dalše rostliny do sudobjow, za čož nałoža 6 500 eurow a ně­hdźe 6 000 eurow za material.

Kaž Thomas Käppler, referent Kamjenskeho wyšeho měšćanosty Rolanda Dantza (njestronjan), našemu wječor­nikej na naprašowanje zdźěli, maja syčenje trawy, hladanje štomow a kerkow kaž tež jich wobstajnu kontrolu a wurězo­wanje jenož fachowcy na starosći. Kóšty za wudźeržowanje a wozelenjenje při dróhach wučinjeja něhdźe 86 000 eurow.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND