Zwěrjenc a młyn hromadźe dźěłatej

póndźela, 19. awgusta 2019
artikl hódnoćić
(0 )
Tobias Čižik z Krabatoweho młyna a Eugène Bruins z Wojerowskeho coowa (wot lěwa) chcetaj přichodnje wušo hromadźe dźěłać.  Foto: Felix Pál Tobias Čižik z Krabatoweho młyna a Eugène Bruins z Wojerowskeho coowa (wot lěwa) chcetaj přichodnje wušo hromadźe dźěłać. Foto: Felix Pál

Wojerecy (SN). Wosebita informaciska ­tafla steji wot njedawna při klětce ra­pakow we Wojerowskej coologiskej zahrodźe. Wotkryłoj staj ju nawoda coowa Eugène Bruins a ­jednaćel Čornochołmčanskeho Krabatoweho młyna Tobias Čižik­. Na tafli informuja wo wosebitej róli­ čornych rapakow w baji wo Krabaće a poručeja Krabatowy młyn wopytać a tam wjace wo dušnym serbskim kuzłarju zhonić.

Runočasnje wuhladaja wopytowarjo w Čornochołmčanskim młynje info­taflu wo rapakach a zhonja serbsce a němsce něštožkuli zajimaweho wo rozšěrjenju, picy a socialnym zadźer­ženju tohole pta­ka­. Nimo toho wopři­jima tafla pokazku na to, zo móžeš žiwe rapaki we Woje­row­skim zwěrjencu widźeć a zo dóstanješ so tam­ z kolesom a awtom runje tak kaž z direktnym busowym zwiskom měšćanskeje čary 1.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND