Chcedźa žiwu serbskosć w Budyšinje demonstrować(7)

srjeda, 21. awgusta 2019
artikl hódnoćić
(0 )
Załoženscy čłonojo towarstwa Škit Budyšin. Cyłk su loni w decembrje pola Suchec w Hrubjelčicach załožili.  Foto: Škit Budyšin/Tomaš Suchy Załoženscy čłonojo towarstwa Škit Budyšin. Cyłk su loni w decembrje pola Suchec w Hrubjelčicach załožili. Foto: Škit Budyšin/Tomaš Suchy

Štó a što tči za serbskimi projektami, kotrež su we wobłuku wubědźowanja Sakskeho fondsa „Čiń sobu!“ mytowali? W lětušim lětnim serialu Serbskich Nowin­ wam projekty předstajamy.

Tomaš Suchy z Hrubjelčic prócuje so jako Budyski Serb stajnje wo žiwu dwurěčnosć w měsće. Zhromadnje z přećelemi załoži wón hižo před tójšto lětami Škit Budyšin, mjeztym zapisane towarstwo. Woni su hłownje za swoje wolejbulowe kmanosće znate, wobdźělichu pak so w běhu časa mjez druhim hižo někotre razy na schadźowance a zestajichu samo serbski online-spěwnik.

Składnostnje staroměšćanskeho swjedźenja zarjadowa Škit Budyšin loni na zahrodźe Serbskeho ludoweho ansambla prěni „škitny wječor“. Běše to zabawne serbske zarjadowanje ze zhromadnym spěwanjom, z reju a hudźbu. W podobnej formje chcedźa wuspěch lětsa rady wo­spjetować. Za to dobychu myto we wobłuku wubědźowanja Sakski fonds „Čiń sobu!“.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND