Přewjedu dźeń rejwanskeje lipy

srjeda, 06. nowembera 2019
artikl hódnoćić
(0 )

Njebjelčicy (SN/JaW). Kulturne towarstwo a gmejna Njebjelčicy kaž tež tamniša młodźina hotuja so na „dźeń rejwanskeje lipy“. Wo tym informuje Njebjelčanski gmejnski zarjad w nowinskej zdźělence. Wotměć chcedźa jón sobotu, 9. nowembra, w Njebjelčanskim gmejnskim centrumje.

Pozadk je, zo chcetej Njebjelčanski młodźinski klub a tamniše Domizniske a kulturne towarstwo runje tajku rejwansku lipu na swjedźenišću wsy sadźić, kaž w zdźělence rěka. „Tak chcemy na tradiciju wjesnych lipow jako zhromadne srjedźišćo gmejny nawjazać. Wosebitosć wšak je zhromadne hudźenje a rejwanje pod respektiwnje tež w štomje, štož zmóžnja wuměłske wodźenje hałzow kaž tež připrawjenje rejwanskich podestow wokoło njeje“, zdźěla sobudźěłaćerka gmejnskeho zarjada Constanze Róblec.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND