Dróhotwar lěto prjedy hotowy

štwórtk, 14. nowembera 2019
artikl hódnoćić
(0 )
Obligatoriski banćik přetřihali su wčera: twarski nawoda Thomas Leschke, Budyski wyši měšćanosta Alexander Ahrens (SPD), měšćanostka Juliane Naumann, měšćanski radźićel Heinrich Schleppers (CDU), zapósłanc CDU Sakskeho krajneho sejma Marko Šiman a planowar Daniel Linde (wotlěwa).  Foto: Uwe Menschner Obligatoriski banćik přetřihali su wčera: twarski nawoda Thomas Leschke, Budyski wyši měšćanosta Alexander Ahrens (SPD), měšćanostka Juliane Naumann, měšćanski radźićel Heinrich Schleppers (CDU), zapósłanc CDU Sakskeho krajneho sejma Marko Šiman a planowar Daniel Linde (wotlěwa). Foto: Uwe Menschner

Budyšin (UM/SN). Pjeć twarskich wotrězkow, dwaj kilometraj, štyri lěta – při předewzaću tajkeho rozměra móžeš tola raz přehlad zhubić. Na wčerawšim přepo­daću knježeše na Budyskej Tuchorskej hasy jeno cyle skrótka zamylenje wo korektnym rjedźe jednotliwych twarskich etapow. Skónčnje dźě bě to pódlanska wěc. „Wažne je, smy cyłkowne přede­wzaće lěto prjedy hač planowane dokónčili“, Budyska twarska měšćanostka Juliane Naumann zbožowna wozjewi.

Poprawom wšak bě planowane wu­twar křižowanišća Tuchorska/Karla Liebknechtowa/Augusta Bebelowa jako posledni wotrězk hakle klětu zwoprawdźić. „Smy z toho profitowali, zo je přizamknjenje dalnoćopłoty na Dwórnišćowej kaž tež na dwórnišću samym spěšnišo postupowało hač předwidźane“, Naumann wuzběhny. Tak je Tuchorska, jedna z najdlěšich hasow sprjewineho města scyła, zaso dospołnje k dispoziciji.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND