Chcedźa srědki rozumnje nałožić

wutora, 19. nowembera 2019
artikl hódnoćić
(0 )

Slepo (AK/SN). Gmejna Slepo chce lětnu pawšalu 70 000 eurow swobodneho stata Sakskeje za sylnjenje wjesneho ruma zmysłapołnje, rozumnje a zaměrnje zasadźeć. K tomu wuzna so Slepjanska gmejnska rada na njedawnym posedźenju. Jednohłósnje je tuž wužiwanje přiražki wobzamknyła.

Spěchowansku pawšalu chcedźa po jena­kich dźělach za naprawy w Slepom, Rownom a Mułkecach nałožić. K dispoziciji maja dohromady 105 000 eurow z lońšeho a lětušeho etata. Za koncept wjesneho wuwića w Rownom planuja 9 500 eurow, za Slepo-juh 8 400 eurow a za Mułkecy 5 600 eurow.

Cyłkownje 10 700 eurow chcedźa za ponowjenje parketa w Slepjanskim Serbskim kulturnym centrumje wudać. „Zbywace něhdźe 105 000 eurow přenjesemy do hospodarskeho lěta 2020“, wuswětli komornica Carmen Petrick. „Sumu dyrbimy z cyle konkretnymi naprawami podkłasć. Hač do najpozdźišo kónc přichodneho lěta wšak dyrbja potom wšitke naprawy zakónčene być“, komornica Petrick wuswětli.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND