Znowaposwjećenje planuja za štwórty adwent

štwórtk, 12. decembera 2019
artikl hódnoćić
(0 )
Sobudźěłaćer Budyskeje pišćeletwarskeje firmy Eule Friedemann Birke reparuje dźěle Łazowskich pišćelow na městnje. Wjetšina je hižo hotowa.  Foto: Andreas Kirschke Sobudźěłaćer Budyskeje pišćeletwarskeje firmy Eule Friedemann Birke reparuje dźěle Łazowskich pišćelow na městnje. Wjetšina je hižo hotowa. Foto: Andreas Kirschke

Łaz (AK/SN). Po wjac hač jednym lěće saněrowanja hotuje so ewangelska cyrkej we Łazu na znowaposwjećenje swojich pišćelow. Instrument je produkt twornje Ladegast-Rühlmann z lěta 1872, kaž čłon Łazowskeje wosadneje rady Günter Wjenk potwjerdźi.

Tuchwilu zatwarjataj sobudźěłaćerjej Budyskeje pišćeletwarskeje firmy Eule Friedemann Birke a Lukas Neumann techniku do instrumenta. Po tym mataj dalšej kolegaj pišćałki do njeho zatwarić a je hłosować. „Łazowske pišćele restawrować je chětro naročne“, rozłoži pišćeletwarc Friedemann Birke. „Chcemy wšak poprawnu techniku w dalokej měrje zachować. Wuměnjamy tuž jenož dodźeržane dźěle.“ Wjacore dźěle pedalowych tastow su hižo wuměnili. Na tak mjenowanym „hrajnym blidźe“ su tohorunja furněry ponowili. Sobu najćeši a najnaročniši krok bě, tak mjenowane powětrowe wokeńcy (Windladen) natwarić. Te dyrbjachu w Budyskim zawodźe Eule wobnowić. Nimo toho mějachu we Łazu tójšto detailowych dźěłow zmištrować. Dźěle mechaniki pišćelow su to­horunja wobnowili. Znowa zadźěłali su měchawu.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND