Radworčenjo wjesnjanostku wolili

póndźela, 10. februara 2020
artikl hódnoćić
(0 )
W Radworju maja wot wčerawšeho nowu wjesnjanostku. Hnydom w prěnim wólbnym přeběhu je so Madeleine Rentsch z Łupoje (2. wotprawa) – tule při wuličenju hłosow we wjacezaměrowej hali „Slavia“– z 55,6 procentami přećiwo třom dalšim kandidatam přesadźiła. Na druhim městnje slědowaše Jovan Hrjehor z Kamjeneje z 32,4 procentami. Katrin Suchec-Dźisławkowa z Chasowa dósta 6,6 a Měrćin Winar z Radworja 5,4 procenty. Wólbne wobdźělenje bě ze 74,1 procentom dosć wysoke. Nimale 1 900 ludźi bě swój hłós wotedało. Dotalny wjesnjanosta Wincenc Baberška (CDU) njebě po 27 lětach w zastojnstwje hižo k wólbam nastupił. Foto: Werner Müller

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND