Nowe puće za błudźišćo

pjatk, 28. februara 2020
artikl hódnoćić
(0 )
Regina Frenzel njeje w Małym Wjelkowje jenož błudźišćo natwariła, ale tam tež kóžde lěto nóc duchow při- a wuhotowała.  Foto: Carmen Schumann Regina Frenzel njeje w Małym Wjelkowje jenož błudźišćo natwariła, ale tam tež kóžde lěto nóc duchow při- a wuhotowała. Foto: Carmen Schumann

Mały Wjelkow (SN/MWj). K zahajenju noweje sezony w Małowjelkowskim błudźišću poda jeho załožerka Regina Frenzel na zasłuženy předwuměnk. Před něšto­ dnjemi su ležownosć do wobsydstwa Budyskeje wobdźělenskeje a wobhospodarjenskeje towaršnosće (BBB) přenjesli, zdźěli jeje zamołwita za zjawnostne dźěło Diana Liebsch. „Mi bě wažne błudźišćo do rukow dać, kotrejž projekt runje tak profesionelnje a z lubosću wobhospodaritej, kaž sym ja to činiła“, praji Regina Frenzel.

Z BBB su nětko partnera namakali, kiž ma we wólnočasnej branši dobre nazhonjenja. Wšako měšćanske předewzaće tež hižo Małowjelkowski prazwěrjenc w susodstwje błudźišća wobhospodarja. Kaž jednaćel BBB Volker Bartko rjekny, chcedźa přichodne tydźenje koncept zdźěłać, kak móhli ležownosć błudźišća do pra­zwěrjenca zapřijeć. Prjedy hač tak daloko budźe, pak błudźišćo po zwučenym wašnju wot nalěća zaso wopytowarjow wita.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND