Běła Woda (CK/SN). Dobra nalada knježeše njedźelu popołdnju na koncerće kapały „Shape International Band“ w Běłowodźanskim lodowym stadionje. Wojerscy hudźbnicy wójska USA hrajachu tam předewšěm znate rockowe title. A wobydlerjo Běłeje Wody so tež dołho prosyć njedachu so tam darmotnje smykać. Něhdźe 2 000 wopytowarjow dožiwi w lodowym stadionje, hdźež hewak Łužiske liški za pukom honja, njewšědne zarjadowanje.