Gmejna chce so na dochodach wobdźělić

štwórtk, 23. apryla 2020
artikl hódnoćić
(0 )
Njewšědny wobraz skićeše předwčerawšim posedźenje Łazowskich gmejnskich radźićelow. Koronapandemije dla dyrbjachu woni na krute hygieniske předpisy, na dosahacy wotstawk a na škit za nós a hubu dźiwać. Po słowach wjesnjanosty Thomasa Leberechta dyrbjałoj gmejna a jeje rada tež w ćežkich čas jednanja- a dźěłakmanej wostać.  Foto: Andreas Kirschke Njewšědny wobraz skićeše předwčerawšim posedźenje Łazowskich gmejnskich radźićelow. Koronapandemije dla dyrbjachu woni na krute hygieniske předpisy, na dosahacy wotstawk a na škit za nós a hubu dźiwać. Po słowach wjesnjanosty Thomasa Leberechta dyrbjałoj gmejna a jeje rada tež w ćežkich čas jednanja- a dźěłakmanej wostać. Foto: Andreas Kirschke

Łaz (AK/SN). Sewjernje Šibojskeho jězora, hdźež hižo wjacore milinowe wětrniki steja, ma wulka fotowoltaiska připrawa nastać. K tomu je so předwčerawšim Łazowska gmejnska rada wuznała. Jeje čłonojo su nastajenju twarskeho plana „Solarny park Šiboj“ jednohłósnje přihłosowali. Planowanska kónčina wupřestrěwa so na wuchodźe hač k Małej Sprjewi, na sewjeru hač k lěsej, na zapadźe hač ke gmejnskej hranicy a na juhu hač k wo­krjesnej dróze K 9218.

„Mějićel chce płoninu wobhospodarjeć“, rozłoži Łazowski wjesnjanosta Thomas Leberecht (CDU). „Z twarskim planom stanje so to legitimne. Za cyły zarjadniski proces wotzamknjemy zrěčenje, zo gmejnje žane wudawki nje­nastanu.“ Wobsedźer płoniny je firma z Regensburga. Wona chce dalšu energiju z wobnowjomnych žórłow wudobywać. Za to ma so wobswětowe pruwo­wanje přewjesć, kotrež budźe wažny wobstatk posudka, hač smědźa projekt po planje zwoprawdźić. Regensburgske předewzaće ma to runje tak zapłaćić kaž wšitke zarjadniske a wotkrywanske kóšty, wuzběhny twarski nawoda gmejny Wolfgang Tietze.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND