Zhromadne dźěło dale wjedźetej

pjatk, 22. meje 2020
artikl hódnoćić
(0 )
Wuspěch trjeba sylnu podpěru! Jednaćelej VBH a CSB Wolf-Thomas Hendrich a Peter Neunert staj minjeny tydźeń w přitomnosći zastupowaceho nawody Wojerowskeje Dźěćaceje a młodźinskeje farmy Bernda Latty (wotlěwa) swoje partnerstwowe dorěčenje podlěšiłoj.  Foto: CSB/Maik Brězan Wuspěch trjeba sylnu podpěru! Jednaćelej VBH a CSB Wolf-Thomas Hendrich a Peter Neunert staj minjeny tydźeń w přitomnosći zastupowaceho nawody Wojerowskeje Dźěćaceje a młodźinskeje farmy Bernda Latty (wotlěwa) swoje partnerstwowe dorěčenje podlěšiłoj. Foto: CSB/Maik Brězan

Wojerowske zastaranske zawody (VBH) Miłočanski Křesćansko socialny kubłanski skutk (CSB) tež lětsa zaměrnje podpěruja.

Miłoćicy/Wojerecy (SN/JaW). Hižo wjac hač dźesać lět dołho stej Miłočanski CSB a Wojerowske VBH w dobrym partner­stwje zwjazanej. Zawody podpěruja předewšěm skutkowanje Wojerowskeje Dźěćaceje a młodźinskeje farmy a Wojerowskeje pěstowarnje, kotrejž wšak stej w nošerstwje Miłočanskeho CSB. „Wjeselimy so, zo VBH najebać tuchwilnu zawěsće njejednoru situaciju a wysoke poćeženja nam znowa financnu podpěru za naše dźěło přewostaja“, zdźěla medijowy rěčnik CSB Maik Brězan.

Aktualneho połoženja koronapandemije dla njemóžachu zastupnicy VBH a CSB podlěšenje swojeho partnerskeho zrěčenja kaž zwučene na arealu Dźěćaceje a młodźinskeje farmy podpisać. Tuž činjachu to w rumnosćach VBH.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND