Su Bóšicy syrota zarjadniskeho zwjazka?

pjatk, 29. meje 2020
artikl hódnoćić
(0 )

Wobydlerjam zarjadniskeho zwjazka Njeswačidło a Bóšicy předleži nětko derje wuhotowana informaciska brošura. Wuhotowała a wudała je 30stronski wulkoformatowy zešiwk w nadawku mjenowaneho zarjadniskeho zwjazka firma Mediaprint info-nakładnistwo w Meringu pola Augsburga. Karta wo hornjołužiskej holi a hatach z dwurěčnymi ­mjenami a detailowe karty gmejnow su přidate.

Ideja, tajki spis za wobydlerjow zarjadniskeho zwjazka a wo nim wudać je chwalobne. Na titulnej stronje wuhladamy wulkobarbne foto wo Njeswačanskim Starym hrodźe z baroknej zahrodu a třomi pawiljonami před nim, dale tři kulojte mjeńše fota wo hrajkanišću, Koslowskich łučnych hatach a wo swj. křižu na Horje. Swjaty křiž skedźbnja na wosebitosć teritorija, na wsy z katolskimi serbskimi wjesnjanami a tradicijemi kaž tež na ewangelskich wobydlerjow a jich kulturny rum.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND