Maltezojo chorownje dale zawěsćeja

póndźela, 29. junija 2020
artikl hódnoćić
(0 )
Při nowym aparaće za dialyzu na intensiwnej staciji Kamjenskeje chorownje maltezow swj. Jana: šeflěkar dr. Rüdiger Soukup, wučer dr. Matthias Busch a jednaćel Sven Heise (wotlěwa)  Foto: Stephanie Hänsch Při nowym aparaće za dialyzu na intensiwnej staciji Kamjenskeje chorownje maltezow swj. Jana: šeflěkar dr. Rüdiger Soukup, wučer dr. Matthias Busch a jednaćel Sven Heise (wotlěwa) Foto: Stephanie Hänsch

Maltezojo su za dwě swojich šěsć na předań stejacych chorownjow hižo kupne zrěčenje podpisali. Wjace pak na naprašowanje Serbskich Nowin najprjedy raz zdźělić nochcychu.

Kamjenc (SN/mwe). „Za sakske chorownje po wuprajenju našeho towaršnika jednanja tuchwilu traja“, wuswětla Ste­phanie Hänsch, wjednica předewzaćelskeje komunikacije maltezow Sakskeje-Braniborskeje. Zamołwitosć za předań a z njej zwjazane konsekwency ma jeničce katolska pomocna organizacija ze swojim sydłom w Kölnje. „Nam stej ruce wjazanej a móžemy na naprašowanje medijow a dalšich jenož to rjec, štož z běrowa generalneho społnomócnjeneho Karl Prinza zu Löwensteina zhonimy“, Stephanie Hänsch praji.

Kaž z najnowšeho wozjewjenja jednaćelstwa maltezow Němskeje wuchadźa, su w minjenych měsacach intensiwne rozmołwy z potencielnymi nošerjemi wjedli. Wšako chcedźa „za kóždu městnosć a kóždy dom to najlěpše“.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND