Towarstwo rebelow Hórnikečanskeho jězora žada sej dypkowne wotewrjenje jězora a škit jeho kupow
Hórnikečanski jězor měli, kaž wot Łužiskeje a srjedźoněmskeje towaršnosće hórnistwoweho zarjadnistwa (LMBV) připowědźene, 1. apryla 2022 zjawnosći znowa spřistupnić. Wot toho časa dyrbjeli areal tež zaso wužiwać móc. To bě jasne poselstwo njedawneho dnja Hórnikečanskeho jězora we Wulkoždźarowskim Sunshine-parku. Přeprosyło je na njón wot lěta 2013 wobstejace Towarstwo rebelow Hórnikečanskeho jězora ze swojimi połsta čłonami.