Dwójne dźěło

štwórtk, 13. awgusta 2020
artikl hódnoćić
(0 )
Štóž so doma na wjetši twarski projekt měri, tón drje sej do toho dokładnje přemysli, što ma wšitko wobkedźbować, zo njeby za lěto abo dwě dyrbjał snano něšto ­změnić, dokelž je na něšto zabył. Na to dyrbju tele dny myslić, hdyž widźu, kak w Zejicach do směra na Swinjarnju wodowód kładu. Njedwěluju na tym, zo je tón za wobydlerjow trěbny. Ale čehodla njejsu jón hnydom sobu do zemje składli, jako su loni runje na samsnym wotrězku nowy kolesowanski puć podłu statneje dróhi S 100 twarili? Tehdy bě pjeršć wotnjesena! Po mojim zrozumjenju njeby ­žadyn wulki hit směł być, pod kolesowanski puć nowy wodowód skłasć. Žanu nowu hrjebju drje nětko wuzběhnyć nje­trjebaja, dokelž wodowód do zemje třěleja. Ale někak mam to za dwójne dźěło. Ja wšak tukam na to, zo tu zaso raz rozdźělne zamołwitosće wulku rólu hraja a jedyn wot tamneho njewě, što runje planuje. Marian Wjeńka

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND