Něhdyša wizija so woprawdźitosć stała

wutora, 18. awgusta 2020
artikl hódnoćić
(0 )
Na jubilej kompjuteroweho muzeja sej zastupjerjo załožby ZCOM z wyšim měšćanostu Stefanom Skoru (srjedźa) připichu.  Foto: Katrin Demczenko Na jubilej kompjuteroweho muzeja sej zastupjerjo załožby ZCOM z wyšim měšćanostu Stefanom Skoru (srjedźa) připichu. Foto: Katrin Demczenko

Wojerecy (KD/SN). Na swoje 25lětne wobstaće zhladowaše minjeny kónc tydźenja Wojerowski muzej Konrada Zuseho. Spočatnje bě wón w industrijowej štwórći w rumnosćach Lautech zaměstnjeny. Dźensa ma Zusowy kompjuterowy muzej ZCOM w nowym měsće swój domicil. Na tele wuwiće dopomina w nim wosebita wustajeńca „Zuse zwjazuje“.

Hižo 1993 bě softwareowy předewzaćel Friedrich Genser z Düsseldorfa, kotryž Zuseho jara česćowaše, stare ličaki do Wojerec pósłał. Z nimi wutwori nowozałožene towarstwo prěnju wustajeńcu. Tež Zuse, kotremuž spožčichu tehdy čestne wobydlerstwo Wojerec, je sej přehladku wobhladał. 2017 přećahny muzej na Bonhoefferowu, hdźež so załožba a spěchowanske towarstwo wo njón staratej. 19. a 20. septembra planuja k jubilejej swjedźenski kónc tydźenja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND