Kooperacija z přichodom

srjeda, 26. awgusta 2020
artikl hódnoćić
(0 )
Kooperaciske zrěčenje wo digitalizowanju hladanskeje branše podpisali su spočatk awgusta we Wojerowskej chorowni Jörg Mühlberg, jednaćel Sakskeje agentury za strukturne wuwiće, jednaćel Łužiskeje jězorinoweje kliniki Jörg Scharfenberg a jednaćel AWO Łužica Torsten Ruban-Zeh (wotlěwa).   Foto: Mirko Kolodziej Kooperaciske zrěčenje wo digitalizowanju hladanskeje branše podpisali su spočatk awgusta we Wojerowskej chorowni Jörg Mühlberg, jednaćel Sakskeje agentury za strukturne wuwiće, jednaćel Łužiskeje jězorinoweje kliniki Jörg Scharfenberg a jednaćel AWO Łužica Torsten Ruban-Zeh (wotlěwa). Foto: Mirko Kolodziej
Wojerowske dźěłaćerske dobroćelstwo (AWO) a Łužiski jězorinowy klinikum hižo­ lěta wuske partnerstwo hajitej a stej njedawno wažne kooperaciske zrěčenje podpisałoj. W nowym zrěčenju dźe wo digitalizaciju w hladanskej branši. Hižo klětu w měrcu ze stron Wojerowskeje chorownje swobodnemu statej Sakska kaž tež Zwjazkej projekt předpołoža, kotry­ puć chcedźa w přichodnych lětach z mnohimi dalšimi partnerami kročić. To rěka tež z Kamjenskej chorownju runje tak kaž z powołanskim centrumom Zuse. Wšako ma dźensniše wjednistwo klinikuma wokoło jednaćela Jörga Scharfenberga we wizěrje, we Wojerecach wu­tworić strowotniski centrum Hornjeje Łužicy, campus. Před durjemi steji strukturna změna wuhla dla. Wuhlowe jamy chcedźa nanajpozdźišo w lěće 2038 za­wrěć a zo njebychu tysacy bjez dźěła na puću stali, maja dźensa mudre a směrodajne naprawy zahajić. Na pjenjezach na kóncu zaležeć njebudźe, wšako steji za strukturnu změnu we Łužicy cyłkownje něhdźe 40 miliardow eurow k dispoziciji. Njeparujomny puć je dźě permanentne wuwiće digitalizacije tež w strowotnistwje.
wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND