Jasny wuslědkdocpěł

póndźela, 21. septembera 2020
artikl hódnoćić
(0 )
Předsyda sakskeje SPD Martin Dulig bě wčera we Wojerecach přitomny, jako su dobyćerja wólbow wo zastojnstwo wyšeho měšćanosty Torstena Rubana-Zeha wozjewili.  Foto: Gernot Menzel Předsyda sakskeje SPD Martin Dulig bě wčera we Wojerecach přitomny, jako su dobyćerja wólbow wo zastojnstwo wyšeho měšćanosty Torstena Rubana-Zeha wozjewili. Foto: Gernot Menzel

Torsten Ruban-Zeh (SPD) je nowy Wojerowski wyši měšćanosta. W druhim wólbnym kole dosahaše jemu wčera ze 44,3 procentami jednora wjetšina hłosow. Z 33,4 procentami slědowaše Dorit Baumeister (njestronjanka). Kandidat AfD Marco Gbureck dósta 16,2 procentaj hłosow, zastupjerka CDU Claudia Florian jeničce 6,1 procent.

Wojerecy (SN/BŠe). „Wólbny wuslědk je za Wojerecy dobytk“, wuzběhny sakski hospodarski minister a předsyda SPD w swobodnym staće Martin Dulig. Wobydlerjo dóstanu tak město z přichodom, kotrež je wšitkim generacijam atraktiwne a strukturnu změnu na swoje dobro wužiwa. Tež předsyda sakskeje Lěwicy Stefan Hartmann nowemu wyšemu měšćanosće gratulowaše, skedźbnjejo zdobom na dobry wuslědk Dorit Baumeister, kotruž je Lěwica podpěrała.

Ruban-Zeh je jednaćel Dźěłaćerskeho dobroćelskeho zwjazka we Wojerecach a naslěduje Stefana Skoru (CDU), kiž njeje hižo k wólbam nastupił. Po kóncu wudobywanja brunicy ma komuna wulka wužadanje zmištrować. Wšako mnozy wobydlerjo w branši dźěłaja. Ruban-Zeh chce nadawkej wotpowědować.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND