Měšćanscy radźićeljo wo mosće diskutowali a za namjet FDP hłosowali
Budyšin (CS/SN). Frakcija FDP kaž tež frakcija AfD Budyskeje měšćanskeje rady stej měšćanskemu parlamentej zapodałoj namjet wo wobydlerskim rozsudźe nastupajo planowany móst za pěškow wot Hrodźiška na Hród. Wo woběmaj namjetomaj su měšćanscy radźićeljo wčera wječor diskutowali. Mjeztym zo wěnuje so namjet FDP na cyłkowny projekt z mostom, rozšěrjenjom parkowanišća na Schliebenowej, wobydlerskej łuku a wutwarom wódneje wěže Budyskeho hrodu a Dołheho domu, poćahuje so namjet AfD jeničce na móst.