Potenciale Serbow jako mostytwarcow mjez zapadom a wuchodom wužić
Budyšin (CS/SN). Hdy sy hižo dožiwił, zo běchu zastupjerjo křesćanskich nabožnych zhromadźenstwow města Budyšina na jednym jewišću, zo su so hromadźe modlili a přihladowarjam prědowali? Swjatočnosć k 30. róčnicy jednoty Němskeje sobotu na Budyskim Třělnišću zjednoćeše duchownych ewangelskeje a katolskeje tachantskeje Pětroweje wosady, Michałskeje a Strowotnostudniskeje kaž tež swobodnocyrkwinskeje Jozuwoweje a adwentneje wosady, nowojapoštołskeje cyrkwje kaž tež křesćanskeho centruma. Program je serbska spěwna skupina pod nawodom Michała Jancy sobu wuhotowała.
Struktury regionalizować
