Zasadźa so z wulkim angažementom za wjes

póndźela, 05. oktobera 2020
artikl hódnoćić
(0 )
Za jeje angažement za wjesnu zhromadnosć w Šešowje wuznamjenichu Dunja Reichelt, wjesnjanosta Gerd Schuster a krajny rada Michael Harig Christu Rienecker (wotlěwa) z titlom Čestnohamtska měsaca septembra 2020.  Foto: Krajnoradny zarjad Budyšin Za jeje angažement za wjesnu zhromadnosć w Šešowje wuznamjenichu Dunja Reichelt, wjesnjanosta Gerd Schuster a krajny rada Michael Harig Christu Rienecker (wotlěwa) z titlom Čestnohamtska měsaca septembra 2020. Foto: Krajnoradny zarjad Budyšin

Šešow (SN). Christa Rienecker je zawěrno Šešowčanka, přetož wona je so woprawdźe we wsy na statoku swojeju staršeju narodźiła. Snano je to přičina, čehodla je jej bóle hač druhim zhromadnosć wobydlerjow wažna a zo so wona za nju wosebje zasadźa.

Hižo wjele lět podpěrowaše Rienecker Šešowski wjesny klub. Hdyž rěkaše organizować a přewjesć wjesne swjedźenje, chodojtypalenje abo adwentnički, bě wona z wjele idejemi a wulkim angažementom pódla. Wot toho časa, zo je sama wuměnkarka, organizuje zetkanja seniorow w Šešowje, zo by wjesnjanow časćišo do zhromadnosće wjedła. Tak wuhotuje wotměnjawe temowe popołdnja z rozdźělnymi hosćimi a wšelakimi přednoškami. Wuběr temow je mnohostronski a saha wot stroweho zežiwjenja přez kursy prěnjeje pomocy a policajsku prewenciju hač k pućowanskim rozprawam a hrajnym popołdnjam.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND