Wot padlowanja hač k mišterstwam

srjeda, 28. oktobera 2020
artikl hódnoćić
(0 )
Wustajeńca wo stawiznach kanusporta je tuchwilu w Grodkowskim Delnjołužiskim holanskim muzeju widźeć.  Foto: Jost Schmidtchen Wustajeńca wo stawiznach kanusporta je tuchwilu w Grodkowskim Delnjołužiskim holanskim muzeju widźeć. Foto: Jost Schmidtchen

Runje wčera před sto lětami su w Grodku kanusportowe towarstwo załožili. To je nětko tema wosebiteje wustajeńcy w tamnišim Delnjołužiskim holanskim muzeju.

Grodk (JoS/SN). Za kanusport w bywšej NDR hraješe Grodk wuznamnu rólu. Tole je widźeć we wosebitej wustajeńcy w tamnišim Delnjołužiskim holanskim muzeju. Ju pokazaja składnostnje 100. róčnicy załoženja Grodkowskeho kanusportoweho towarstwa 27. oktobra 1920. Hižo lěto pozdźišo natwarichu na prawym boku Sprjewje prěni čołmikowy dom. Wón je wšitke časy přetrał a prezentuje so po saněrowanju w lěće 2004 w nowej pyše. Spočatnje steješe wodowy pućowanski sport w srjedźišću. Jutry 1921 padlowachu z Grodka prěni raz do Čel­noho. Hač do Druheje swětoweje wójny tónle sport dominowaše. Najdlěša jězba wjedźeše 1939 na Dunaju wot Ingolstadta hač do Wiena.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND