Wot partnerow awto přewzali

póndźela, 09. nowembera 2020
artikl hódnoćić
(0 )
Kluč za dotalne hašenske jězdźidło Barlebenskeje wohnjoweje wobory je tamniši wjesnjanosta Frank Nase njedawno swojemu Njebjelčanskemu koleze Tomašej Čornakej (wotlěwa) přepodał.  Foto: Gmejna Barleben/Thomas Zaschke Kluč za dotalne hašenske jězdźidło Barlebenskeje wohnjoweje wobory je tamniši wjesnjanosta Frank Nase njedawno swojemu Njebjelčanskemu koleze Tomašej Čornakej (wotlěwa) přepodał. Foto: Gmejna Barleben/Thomas Zaschke

Partnerstwa mjez městami a gmejnami maja často ideelny charakter. Na přikładźe Njebjelčic a Barlebena w Saksko-Anhaltskej so nětko pokazuje, kotry praktiski wuskutk móže partnerstwo měć.

Njebjelčicy (SN/MWj). Něhdźe 300 kilometrow dołhi puć z Hornjeje Łužicy do saksko-anhaltskeho Barlebena su Njebjelčanski wjesnjanosta Tomaš Čornak (CDU) a dalši zastupjerjo gmejny njedawno rady na so wzali. Barlebenski wjesnjanosta Frank Nase (CDU) přepoda jim kluč za wohnjowoborne hašenske jězdźidło.

TLF/25 z lěta 1989 Barlebenska wohnjowa wobora hižo njetrjeba, dokelž ma wot lěća nowe jězdźidło. Za 20 000 eurow přewostaji awto Njebjelčanskej gmejnje. „Barleben nam tak wulku słužbu wopokaza, přetož jako mała komuna njebychmy nowe wohnjowoborne awto zapłaćić móhli“, praji Tomaš Čornak. Tež na posedźenju minjeny tydźeń wón hišće raz wuzběhny, kak spomóžnje so partnerstwo mjez komunomaj wuskutkuje.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND