Lipa korony dla přestorčena

štwórtk, 19. nowembera 2020
artikl hódnoćić
(0 )
Na Njebjelčanskim swjedźenišću je hišće městno za rejowu lipu. Aktualneho połoženja dla pak dyrbja na nju hišće čakać.  Foto: Uwe Menschner Na Njebjelčanskim swjedźenišću je hišće městno za rejowu lipu. Aktualneho połoženja dla pak dyrbja na nju hišće čakać. Foto: Uwe Menschner

Na Njebjelčanskim swjedźenišću wosebity štom sadźić chcyli

Njebjelčicy (UM/SN). Při rejwanju za hwězdami přimać – tule romantisku předstawu zwjazuja hižo lětstotki z rejowej lipu. Wuměłsce zhotowjene pode­sty, kotrež wušikni rjemjeslnicy wokoło štomow natwarichu, dachu rejwacym začu­će, zo su njebju kusk bliže byli. Ći, kotřiž lipu jako mały štomik sadźa, wšak to lědma dožiwja. Hakle jich dźěći, snano tež hakle wnučki maja móžnosć, mjez hałzami narosćeneho štoma rejwać.

„Wnučkokmane“ – tele słowo zda so za ideju rejoweje lipy runje prawe być. Wnučkokmanosć je tež jedne z hesłow Njebjelčanskeje gmejny. „Při wšěm, štož planujemy a rozsudźamy, myslimy tež na wuskutki za tych, kotřiž za nami přińdu“­, rozłožuje wjesnjanosta Tomaš Čornak (CDU). W zwisku z rejowej lipu to najprjedy raz woznamjenja, zo změja wnučki dźensnišich Njebjelčanow rjane rejwanske městno.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND