Skićeja njetopyrjam nowy domicil

srjeda, 25. nowembera 2020
artikl hódnoćić
(0 )
Planowar Thomas Hergert z jednym z třoch wšelakich betonowych njetopyrjowych kašćikow. Wone su šěsć do wosom kilogramow ćežke. Najmjeńšim družinam njetopyrjow dosaha hižo mała škałoba dweju centimetrow.  Foto: Gernot Menzel Planowar Thomas Hergert z jednym z třoch wšelakich betonowych njetopyrjowych kašćikow. Wone su šěsć do wosom kilogramow ćežke. Najmjeńšim družinam njetopyrjow dosaha hižo mała škałoba dweju centimetrow. Foto: Gernot Menzel

Pola Wojerec planuje krajny zarjad za rěčne zawěry klětu wobšěrne saněrowanje nasypa podłu Čornicy a Čorneho Halštrowa. Přihotowanske dźěła tam hižo z połnej paru běža.

Wojerecy (SN/MWj). 18 nowych kwartěrow za njetopyrje je Wojerowska wodowa mištrownja wčera při Čornym Halštrowje pola Wojerec připrawiła. Njetopyrjowe kašćiki su jedna z wjacorych kompensaciskich naprawow za planowane saněrowanje nasypa podłu Wojerowskeje Čornicy a Čorneho Halštrowa, štož maja za přichodne lěto předwidźane. Kaž krajny zarjad za rěčne zawěry (LTV) informuje, trjebaja rozdźělne družiny njetopyrjow tež rozdźělne kwartěry. Tohodla zasadźa w swojej akciji tři wšelake njetopyrjowe kašćiki. Zo bychu małe cycaki swój nowy domicil tež přiwzali, připrawja je we wysokosći znajmjeńša štyrjoch metrow. Dokelž maja njetopyrje rady ćopło, njesmědźa jich kašćiki do sewjera wu­směrjene być. Nimo toho dyrbitej přilět a wotlět bjez zadźěwkow móžnej być.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND