Wobydlerski rozsud klětu

pjatk, 11. decembera 2020
artikl hódnoćić
(0 )

Iniciatiwnicy planowany škričkowanski sćežor zasadnje wotpokazuja

Kulow (AK/SN). Přećiwo planowanemu škričkowanskemu sćežorej za tak mje­nowanu 5G-techniku w Mučowje je iniciatiwa „Hórnikečanski jězor bjez prudźenja – Žadyn škričkowanski sćežor w Mučowje“ dosć podpismow za woby­dlerske požadanje zezběrała, samo wjace hač trěbne. Po pruwowanju přez město Kulow je 1 010 hłosow płaćiwych. W oktobru zapodate wobydlerske požadanje je tuž prawnisce dowolene, kaž Kulowska měšćanska rada předwčerawšim wobzamkny. Nimo toho radźićeljo přihłosowachu, zo je móžno 28. februara 2021 wobydlerski rozsud přewjesć. „To pak njewoznamjenja, zo scyła žadyn sćežor do Mučowa njepřińdźe, ale zo njepřińdźe tam, hdźež smy jón jako město namjetowali“, podšmórny Kulowski měšćanosta Markus Posch (CDU).

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND