We wokrjesu LDS spěchuja klětu 14 projektow z cyłkownje 20 000 eurami
Lubin (SN/at). Z přistupom k serbskemu třěšnemu zwjazkej Domowinje je wokrjes Dubja-Błóta po słowach jeho krajneho rady Stephana Logi (SPD) „mały kusk stawiznow pisał a znamjo za němsko-serbsku mjezsobnosć sadźił“. Tele sobustawstwo je dalši wjeršk za serbske žiwjenje w najsewjernišich kónčinach serbskeho sydlenskeho ruma w lěće, postajanym wot koronapandemije.
