Ptačokwasne pječwo nam nichtó wzać njemóže

srjeda, 13. januara 2021
artikl hódnoćić
(0 )
Tónle motiw wo ptačokwasnej hosćinje nasta lěta 2017 w Šuli Ćišinskeho Pančicy-Kukow. Foto: archiw-SN/Maćij Bulank Tónle motiw wo ptačokwasnej hosćinje nasta lěta 2017 w Šuli Ćišinskeho Pančicy-Kukow. Foto: archiw-SN/Maćij Bulank

Sněh so dźe a zyma je. Wonkowne wuměnjenja za woblubowany ludowy nałožk ptačeho kwasa we Łužicy poprawom trjechja. Lěto 2021 pak je hinaše. Kaž hižo wulki dźěl minjeneho lěta škitne naprawy koronapandemije dla naše žiwjenje dale postajeja. Zjawne zarjadowanja žane njejsu, dźěćace přebywarnje su zawrjene hač na nuzowe zastaranje tych dźěći, kotrychž starši dźěłaja w tak mjenowanych za system relewantnych powołanjach. Mamy sej nós a hubu z nahubnikom škitać a strašne wiry wot našich­ slinowkow wotdźeržować. Sroka a hawron z tajkim škitom pak stej jeno ćežko předstajomnej.

25. januar jako dźeń ptačeho kwasa wězo budźe. Bohužel njemóža starši, wowki a dźědojo swojich najmłódšich lětsa w ptačokwasnym ćahu pěstowarnje abo zakładneje šule dožiwić. Runje tak njeje žaneje šansy, na jednej z hišće wobstejacych łužiskich žurlow tradicionalny program Serbskeho ludoweho ansambla dožiwić, ani za dorosćenych ani za dźěći nic, byrnjež titul lětušeho dźěćaceho ptačokwasneho programa „Kiž je z wětrom přišoł“ nas dosć wćipnych činił.

wozjewjene w: Łužica

Galerija

dalši wobraz (1) Ptačokwasny přisłušk Foto: SN/Hanka Šěnec
Prošu přizjewće so, chceće-li komentar podać

Serbska debata

nowostki LND