×

Powěsć

Failed loading XML...

Policija radźi: Delikty radšo online přizjewić

póndźela, 25. januara 2021
artikl hódnoćić
(0 )
Na internetnym portalu sakskeje policije móža wobydlerjo swoje naležnosće abo móžne delikty přizjewić a njetrjebaja za to wosobinsce na přichodny policajski rewěr hić. Tak móža wosobinskim kontaktam zadźěwać.  Foto: Marian Wjeńka Na internetnym portalu sakskeje policije móža wobydlerjo swoje naležnosće abo móžne delikty přizjewić a njetrjebaja za to wosobinsce na přichodny policajski rewěr hić. Tak móža wosobinskim kontaktam zadźěwać. Foto: Marian Wjeńka

Byrnjež měł so tuchwilu po móžnosći kóždemužkuli kontaktej k cuzym ludźom zadźěwać, zwěsća w policajskich rewěrach Budyskeho a Zhorjelskeho wokrjesa, zo mnozy wobydlerjo wosobinsce přińdu, zo bychu njedostatk abo delikt přizjewili. To pak tež hinak dźe.

Budyšin (SN/MWj). Za wulki dźěl deliktow, kotrež chcedźa ludźo policiji při­zjewić, móhli woni internetny portal online-straže wužiwać. Na to skedźbnja Zhorjelska policajska direkcija w nowinskim wozjewjenju. Tak móža direktnym kontaktam zadźěwać. Online-straža hodźi so předewšěm za tajke delikty, hdźež policisća hnydom zakročić njetrjebaja, kotrež pak maja so přiwšěm přizjewić. Mjez druhim su to pady kaž pokradnjene koleso, namórany grafiti, padustwo we wobchodźe abo wohidny komentar w interneće. Štóž pak sej wěsty njeje, hač so jeho naležnosć za přizjewjenje w online-straži hodźi abo nic, móže so telefonisce na kóždym policajskim rewěrje wobhonić.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND