Noweho jězdźidła wobornikow dla změnja wohnjoškitne wustawki
Pěskecy (JK/SN). Budyski wokrjesny hašenski mišter Stefan Hentschke je na minjenym posedźenju Njebjelčanskeje gmejnskeje rady tamnišej gmejnje derje nastajene wohnjoškitne wustawki wobswědčił. Wone drje su minimalnje sformulowane, ale najebać to dosć nadrobne a skutkowne. Nětko pak maja so dźělnje změnić. Samo na sebi bychu je lětsa jeno znowa wobkrućić dyrbjeli a w předležacej formje hač do lěta 2024 dale wjesć.
