Tomaš Langa šěsćdźesatnik

srjeda, 03. měrca 2021
artikl hódnoćić
(0 )
Carola Rachel (nalěwo), sobudźěłaćerka Zapadołužiskeho koparskeho zwjazka, je Tomašej Lanzy čestnu jehłu a čestne wopismo přepodała.  Foto: Maik Brězan Carola Rachel (nalěwo), sobudźěłaćerka Zapadołužiskeho koparskeho zwjazka, je Tomašej Lanzy čestnu jehłu a čestne wopismo přepodała. Foto: Maik Brězan

Kónc małeho róžka swjećeše Konječan Tomaš Langa šěsćdźesaćiny. Delanske Sokołki a delanscy Sokoljo su drje jemu hižo na narodninskim dnju gratulowali, tule na sportowej stronje Serbskich Nowin pak chcedźa to tež hišće­ raz ­činić.

Jednaćel Sokoła Ralbicy/Hórki Tomaš Langa stara so hižo wjele lět w Ralbicach wo sportowy areal a trawnik, kotryž wužiwaja nimo koparkow a koparjow Sokoła tež wuknjacy tamnišeje zakładneje a wyšeje šule. Dale Langa wopytowarjow pohosća, a to we wobłuku domjacych hrow wokrjesneho wyšeho ligista. Hdyžkuli ma něšto organizowane być, sej ­Langa radu wě a wěcku njekomplikowanje z posměwkom rjaduje.

Wulce spokojom z jeho dźěłom su tež wšitcy ći, kotřiž sportowu halu w běhu lěta wužiwaja. Wona słuša mjenujcy šulskemu nošerjej gmejnje Ralbicy-Róžant. Langa je stajnje na městnje, hdyž wo to dźe halu wotamkać a zamkać, hdyž dźe wo wužiwanje sportownje, wo stólcy a blida za zhromadnu bjesadu po spor­towanju abo wo rjedźenje po tym.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND