Planuja z wobmjezowanjemi

wutora, 09. měrca 2021
artikl hódnoćić
(0 )

Hamorska gmejna přihotuje sezonu při a na Bjerwałdskim jězoru

Krynhelecy (AK/SN). Wodosportowa sezona při Bjerwałdskim jězoru ma so pod wobkedźbowanjom škitnych naprawow koronapandemije dla po planje 1. apryla zahajić. To zdźěli wjesnjanosta Hamora Achim Junker (CDU) na wčerawšim posedźenju tamnišeje gmejnskeje rady w Krynhelecach (Kringelsdorf). Tuchwilu zdźěłuje gmejna na praktiske zajimy wusměrjeny hygienowy a infekciski škitny koncept. Zakład za njón su postajenja Swobodneho stata Sakskeje korony dla.

„Němski turistiski zwjazk je našu turistisku informaciju při Hamorskim při­brjoze Bjerwałdskeho jězora na dalše tři lěta certifikował“, wjesnjanosta rozłoži. Sobudźěłaćerjo pak su najprjedy jenož telefonisce docpějomi, a to wot 1. apryla hač do 31. oktobra wot srjedy hač do njedźele a swjaty dźeń kaž tež za čas šulskich prózdnin w času wot 10 do 16 hodź. Zwisk je móžny pod čisłom 035774/ 489 579, ale tež e-mailnje pod .

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND