Tež w prózdninach chcedźa ličić

štwórtk, 22. apryla 2021
artikl hódnoćić
(0 )

Budyšin (SN/MWj). Wot minjeneje wutory po wšej Němskej na awtodróhach ­a zwjazkowych dróhach zaso wobchad liča. Kóžde pjeć lět na te wašnje zwěsćeja, kak so wobchad wuwiwa a kelko jězdźi­dłow je po puću. Zwjazkowe kraje runočasnje tajke ličenje na swojich statnych resp. krajnych dróhach přewjeduja. Po prěnim ličenskim dnju předwčerawšim slěduja hač do oktobra dalše tajke dny. Poprawom by ličenje hižo loni na rjedźe było, bu pak korony dla přestorčene. Kaž Jens Jungmann ze sakskeho ministerstwa za hospodarstwo, dźěło a wobchad zdźěli, wunjese wobchadne ličenje dopóznaća wo wuwiću wobchada a je zakład wobchadnych planowanjow.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND