Kulowčenjo wědźa sej dobru infrastrukturu a swojich wikowarjow česćić

Kulow (SN/JaW). W Kulowje a jemu přisłušnych wsach bydla spokojni a wjeseli ludźo. To wuchadźa z wuhódnoćenja naprašowanja za wuwićowy koncept komuny, kotrež je pod přistupne.

Wobdźělił je so na naprašowanju 301 wobydler, štož wučinja pjeć procentow wšeho wobydlerstwa města. Wuwiće minjenych dźesać lět wosebje w Sulšecach a Koćinje jara pozitiwnje hódnoća, w Kulowje samym ma něhdźe 60 procentow wobydlerjow wuwiće za pozitiwne. „W Rachlowje a Hózku zhladuja najnegatiwnišo na wuwiće minjenych lět“, rěka we wuhódnoćenju. Hladajo pak do přichoda nadźijeja so w Brěžkach, Mučowje, Salowje a Rachlowje lěpšeho wuwića, při čimž na wjacorych wsach serbske nałožki a tradicije wažnu rólu hraja. Za bytostnu maja w měsće a na wsach zdobom dobru infrastrukturu wšědneje potrjeby, posłužbow a wobchodow, čemuž ma po woli wobydlerjow tež tak wostać.