Wěstota w stadionje wažna

štwórtk, 27. meje 2021
artikl hódnoćić
(0 )
Tak dramatiske kaž mróčele na njebju drje połoženje hišće njeje. Ale trawersy Ralbičanskeho Stadiona přećelstwa dyrbja zamołwići přiwšěm nuznje přetwarić.  Foto: Jan Kral Tak dramatiske kaž mróčele na njebju drje połoženje hišće njeje. Ale trawersy Ralbičanskeho Stadiona přećelstwa dyrbja zamołwići přiwšěm nuznje přetwarić. Foto: Jan Kral

Pjenjezy pak pobrachuja přihladowarske trawersy ponowić

Ralbicy (JK/SN). Trawersy Ralbičanskeho Stadiona přećelstwa hižo dlěši čas techniskim a wěstotnym žadanjam njewotpowěduja. Z teje přičiny je wjednistwo sportoweho towarstwa DJK Sokoł Ralbicy/Hórki wo tym rozmyslowało, kak móhli problem rozrisać. Přepodali su nadawk projektowej skupinje, kotraž měješe so z naležnosću rozestajeć. Jedyn z čłonow skupiny je twarski fachowc Stani Statnik. Wón zaběraše so z móžnosćemi, trawersy technisce a financielnje tak přihódnje kaž móžno wobnowić. Nimo toho je wotpowědny projekt naćisnył a jón kalkulował. Hižo před měsacami prošeše Statnik w mjenje projektoweje skupiny gmejnsku ­radu wo to, pruwować, hač móhła delanska gmejna stajić próstwu wo spěchowanje naprawy. Dokelž ma gmejna wjele druhich projektow, wosebje prěnjorjadnje twar noweje pěstowarnje w Ralbicach, kotrež maja so po móžnosći spěchować, wona sportowcam namjetowaše, so sami starać a trěbne financowanje na nohi stajić. Móžnosće k tomu je tohorunja mjenowała.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND