Dobyte pjenjezy nawjes a Cyrkwinsku horu přetworić njedosahaja

Chrósćicy (SN/MiR). Inwesticije su z wjacorymi statysacami eurow dosć wysoke, přetworić nawjes a Cyrkwinsku horu w Chrósćicach. To je twarski inženjer Peter Linke wjesnjanam na njedawnej wobydlerskej zhromadźiznje wuwědomił. Hač do kónca měsaca chce wón próstwu­ wo spěchowanje we wobłuku komunalne koncepty zapodać. „Wšako“, kaž praji wjesnjanosta Marko Kliman (CDU), „dobyte pjenjezy z wubědźowanja SMUL+ njedosahaja projekt zwoprawdźić.“ „W kole wo spěchowanje so prócowacych so přesadźić njebudźe lochko“, Linke wuzběhny, prajo, „mamy tuž ideju derje předać, wosebje w zwisku, zo ma wšitko, štož chcemy zdokonjeć, tež turistisku hódnotu.“