Zdźěłaja wustawki wo popłatkach za wohnjowe wobory
Worklecy (SN/MWj). Kelko płaći scyła zasadźenje dobrowólneje wohnjoweje wobory, hdyž kameradow na přikład k wobchadnemu njezbožu wołaja? Tele prašenje maja wotmołwić wustawki wo popłatkach za wohnjowu woboru. Tajke maja so nětko za wšitke gmejny zarjadniskeho zwjazka Při Klóšterskej wodźe zdźěłać. Čłonojo Worklečanskeje gmejnskeje rady su na swojim wčerawšim posedźenju schwalili, zo ma tónle nadawk za jich komunu firma z Wilsdruffa za nimale 3 000 eurow přewzać.
