Prašenje traktora rozrisane

pjatk, 23. julija 2021
artikl hódnoćić
(0 )

Ralbicy (JK/SN). Za zymsku słužbu w přichodnej zymje móže gmejna Ralbicy-Róžant nowy traktor zasadźić. Tón drje hakle w nowembrje dóstanu, ale budźe to skónčnje tajki, wo kotryž so gmejna hižo wot lěta 2014 prócuje. Na wčerawšim posedźenju delanskeje gmejnskeje rady je předsyda zarjadniskeho zwjazka Při Klóšterskej wodźe Měrko Domaška radźićelam hišće raz wuslědki přirunanja poskitkow předstajił. Zjawne wupisanje po cyłej Europje bě sej šěsć zajimcow wobhladało, ale dóšłoj staj jeničce dwaj konkretnej poskitkaj. Tomu tež dźěłowa skupina gmejnskeje rady, kotruž běchu za tónle zaměr wutworili, wotpomhać njemóžeše. Nětko pak je wšitko pod třěchu, tež hdyž maja wšelke nadrobnosće hišće zrjadować.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND