Samo jězby z kuču poskićeja

wutora, 03. awgusta 2021
artikl hódnoćić
(0 )
W Nowołučanskim wjesnym hotelu njeposkićeja wopytowarjam jeno słódne jědźe, ale tež informacije wo dźensnišim žiwjenju Serbow.  Foto: Alfons Handrik W Nowołučanskim wjesnym hotelu njeposkićeja wopytowarjam jeno słódne jědźe, ale tež informacije wo dźensnišim žiwjenju Serbow. Foto: Alfons Handrik

Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často maja tež zajimawe stawizny. W swojej lětnjej seriji tajke gastronomiske předewzaća předstajamy, dźensa hotel a hosćenc „Při młynje“ w Nowej Łuce. (7)

Štyri kilometry sewjerozapadnje Wojerec dojědźeš sej do Noweje Łuki w gmejnje Halštrowska Hola. Přeprěčiš-li móst přez Halštrowsku wodu steji na lěwej stronje hotel a hosćenc „Při młynje“. Stawizny hosćenca napřećo bywšemu młynej sahaja do lěta 1861. To bě tam hižo dźědowy wuj nětčišeje mějićelki hosćenca Roswity Kochoweje hosći witał. Dom samy je wudwór, słušacy k Wojerowskemu hrodej. Po Prěnjej swětowej wójnje wjedźeštaj jón Awgust a Marie Koar, kotrajž staraštaj so tež wo palencarnju a ratarstwo. Dokelž njeměještaj žane dźěći, zdźědźištaj wobsydstwo swojemu bratrowcej Wilhelmej Koarjej. Wón bě pilny a angažowany. Z mandźelskej Hanu ­a dźěsćomaj Ernu a Maksom je wón hosćenc a ratarstwo tež přez ćežke lěta wjedł. Z industrializaciju a přiběracym wudobywanjom brunicy ludźo hosćenc dale a bóle wopytowachu.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND