Kusk stareje domizny dožiwiła

štwórtk, 12. awgusta 2021
artikl hódnoćić
(0 )
Kwětkace sudobja z wjacerěčnymi napisami so tele dny wo rjany napohlad na Wojerowskim starym torhošću postaraja.  Foto: Silke Richter Kwětkace sudobja z wjacerěčnymi napisami so tele dny wo rjany napohlad na Wojerowskim starym torhošću postaraja. Foto: Silke Richter

Wojerecy (SiR/SN). Dołhe powjazy pisanych chorhojčkow podłu hasow, móžnosće k posydnjenju a najwšelakoriše za­rjadowanja, kotrež k wožiwjenju historiskeho centruma města přinošuja – takle prezentuje so tele dny a hišće hač do 19. septembra pod nawodom cityjoweho managementa lětuši staroměšćanski bulwar we Wojerecach. Korona­pandemije dla stawa so to lětsa w trochu mjeńšej formje. Přiwšěm ludźo poskitki na torhošću a na wokolnych hasach rady přiwozmu a so nad nimi wjesela.

Dobry wothłós žněja hižo dlěši čas wulke žołte kwětkowe sudobja, na kotrychž móžeš rozdźělne žiwjenske mudrosće, mjez druhim tež w serbskej rěči, čitać. Nastali su wone hromadźe z přemysłowym kruhom za měšćanski přichod a z marketingowym towarstwom Wojerowski swójbny region.

wozjewjene w: Lokalka
Prošu přizjewće so, chceće-li komentar podać

nawěšk