Hdźež je nakup hišće dožiwjenje (7)

srjeda, 08. septembera 2021
artikl hódnoćić
(0 )
Wutrobnosć, profesionalne poradźowanje – tule so předawarka Angelika Korchowa ze swojim šefom Matthiasom Fröhlichom dorěči – a přećelne rozmołwy činja nakupowanje w Kulowskim Fröhlichec Domje darow k dožiwjenju.  Foto: Silke Richter Wutrobnosć, profesionalne poradźowanje – tule so předawarka Angelika Korchowa ze swojim šefom Matthiasom Fröhlichom dorěči – a přećelne rozmołwy činja nakupowanje w Kulowskim Fröhlichec Domje darow k dožiwjenju. Foto: Silke Richter

Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na­ wsach rozhladowali, zo bychmy swojim čitarjam tón abo tamny wjesny wobchod předstajili.

Mjeztym zo wonka spěšne a zdźěla hektiske žiwjenje knježi, zda so w Kulowskim Domje darow swět trochu pomałšo wjerćeć. Tu kupcow a kupče hišće wosobinsce witaja a profesionalnje poradźuja. Tak smědźa sej cyle woměrje z wulkeho poskitka wuběrać. Přirjadowanje a dekoracija tworow matej cyle swójski rukopis a wotkrywatej wažny wid na detaile.

Stajna kupča zastupi. Pytajo pućujetej jeje woči do praweho směra. Kumštna orchideja ma to dźensa być. A byrnjež so wonka na Kulowskim torhošću hišće septemberske dny ze słóncom błyšćili, su we wobchodźe hižo hody tema. Matthias Fröhlich rozłožuje na naprašowanje rozdźěle wobswětlenych adwentnych hwězdow. Tež w tym směrje njewostawa nimale žane přeće njespjelnjene. Kupča přińdźe bórze zaso a móže so potom wjeselić, zo je namakała, štož bě pytała. Dźakowano wobchodnikomaj Weronice a Matthiasej Fröhlichec.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND