Dalši twarski wotrězk zakónčeny

wutora, 21. septembera 2021
artikl hódnoćić
(0 )

Dypkownje k spočatkej noweho šulskeho lěta su při saněrowanju Hamorskeje šule třeći twarski wotrězk dokónčili.

Hamor (AK/SN). Energetiske saněrowanje zakładneje šule w Hamorje (Boxberg) w nošerstwje tamnišeje gmejny derje postupuje. To podšmórny wjesnjanosta Achim Junker (CDU) na posedźenju gmejnskeje rady minjeny tydźeń. „Hač do spočatka šulskeho lěta móžachu firmy třeći twarski wotrězk energetiskeho saněrowanja na 1. a 2. poschodźe kubłanišća zakónčić“, wón wuswětli. „Mjeztym su tež durje zatwarjene.“ Dale dźe nětko w přizemju a w pincy, hdźež su tuchwilu wšitke rjemjesła zasadźene. Twarscy dźěłaćerjo ponowjeja tam rjadowniske rumnosće. W nazymskich prózdninach chcedźa sekretariat a běrow direktora šule ponowić. Sobudźěłaćerjo gmejnskeho twarskeho zawoda su mjeztym hižo do­trjebany a chětro stary inwentar šule wurumowali a wotstronili. To je sej tójšto časa žadało a bě zdobom wobćežne. „Hač do poslednjeho prózdninskeho dnja su z podpěru wšitkich sobudźěłaćerjow gmejny rjadowniske rumnosće zaso za šulske wužiwanje přihotowali“, Achim Junker podšmórny.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND