Rakecy (JK/SN). Za klětuše wólby wjesnjanosty gmejny Rakecy je tamniša gmejnska rada na swojim wčerawšim posedźenju prěnje zakłady wobzamknyła. Termin postajichu na 20. měrca. Móžne druhe wólbne koło budźe 10. apryla. Jednohłósnje wuzwolichu radźićeljo na namjet wjesnjanosty Swena Nowotneho (CDU) nawodnicu financneho zarjada gmejny Francisku Pfeiffer za předsydku wólbneje komisije. Přisydnikow wólbneje komisije a jich zastupjerjow su frakcije gmejnskeje rady sami nominowali. Z tym je wažny krok za komunalny wjeršk přichodneho lěta sčinjeny. Mjena kandidatow, kotřiž so nimo tuchwilneho wjesnjanosty wo zastojnstwo požadaja, njejsu hišće znate.