Slepo (CK/SN). Nowe nastupišćo ma přichodnje na Slepjanskim dwórnišću nastać. Nimo toho tuchwilne znowa natwarja a při tym trochu přesadźa. Wone změje wysokosć 55 centimetrow. Ludźo budu potom bjez schodźenka do ćaha zalězć móc, štož jeno staršich abo zbrašenych njewolóža, rozłoži tele dny projektowy inženjer Dirk Schreyer. Předewzaće planuje Němska železnica w nadawku energijoweho koncerna LEAG.

Projekt je wusko zwjazany z dalewjedźenjom Wochožanskeje brunicoweje jamy. Wot lěta 2028 chcedźa z jeje sewjerowuchodneho dźěla brunicu wudobywać. Za to dyrbja železnisku čaru wot Běłeje Wody do Rěčic po dołhosći dwanaće kilometrow přepołožić. Nimo toho nastanje we Wuskidźi nowe dwórnišćo. Te pak je jeničce za Zwjazkowu woboru myslene, dokelž njebudu dotalne dwórnišćo potom hižo wužiwać móc.