We Wojerecach so staršiski přinošk za pěstowarnje najprjedy njezměni
Wojerecy (AK/SN). Dobre powěsće za staršich, hubjene za město. Wojerowska měšćanska rada je so minjenu wutoru po horcej diskusiji rozsudźiła, pawšalny popłatk za žłobik, pěstowarnju a hort njezwyšić. Rozsud bě chětro snadny. Dźesać měšćanskich radźićelow, přewažnje stronow CDU, SPD a Swobodnych wolerjow, hłosowaše za zwyšenje, a dwanaće radźićelow, přewažnje stronow AfD a Lěwicy, přećiwo tomu.