Rady koncertuje w ródnym měsće

pjatk, 29. oktobera 2021
artikl hódnoćić
(0 )

Budyšin (CRM/SN). Byrnjež wón hižo dawno w swojim ródnym měsće Budy­šinje njebydlił, wostanje wón jemu dale swěrny: Solowy spěwar Ronald Hein. Do dosć znateje hudźbneje swójby w lěće 1974 so narodźiwši, dósta wón tu tež swoje dobre zakładne hudźbne wukubłanje a přeńdźe potom na studij do Drježdźan. Jako tenorowy bariton je přez lěta tež někotryžkuli serbski koncert wuspěšnje sobu wuhotował, a to wosebje z pianistku Lianu Bertók.

Mjeztym zwonka Łužicy bydlo, zarjaduje Ronald Hein kóždolětnje swójski komorny koncert jako interpret klasiskeho němskeho spěwa z klawěrnym přewodom na žurli Serbskeho muzeja. Tak wěnuje wón z wulkej swěru dale dar­motnu hudźbnu hodźinu na wysokim niwowje kruhej swojich starych přećelow a dalšich zajimcow. Z nim spřećeleny Mi­chał­ Cyž tute koncerty nahrawa.

wozjewjene w: Lokalka
Prošu přizjewće so, chceće-li komentar podać

słowo lěta 2020

nawěšk