Ma so ze srjedźišćom wsy stać

póndźela, 08. nowembera 2021
artikl hódnoćić
(0 )
Čłonojo Njebjelčanskeho młodźinskeho kluba rejwachu k hudźbje skupiny Serbska reja a běchu so narodnu drastu woblekli, tak zwuraznjejo, zo je lipa w serbskej wokolinje witane srjedźišćo wšitkich generacijow.  Foto: Jan Kral Čłonojo Njebjelčanskeho młodźinskeho kluba rejwachu k hudźbje skupiny Serbska reja a běchu so narodnu drastu woblekli, tak zwuraznjejo, zo je lipa w serbskej wokolinje witane srjedźišćo wšitkich generacijow. Foto: Jan Kral

K Njebjelčanskej kermuši rejwansku lipu sadźili a zjawnje přepodali

Njebjelčicy (JK/SN). Ideju za rejwansku lipu w Njebjelčicach běchu hižo před štyrjomi lětami zrodźili. Składnostnje wjesneho swjedźenja tam dr. Fabian Jacobs zwěsći, zo maja w Njebjelčicach hišće wjele městna na nawsy. Tak wón namjetowaše, na prózdnu łuku lipu sadźić a ju wukmanić k rejwanskej lipje, jako wuraz gmejnskeje politiki, zwuraznić kmanosć za naslědne generacije.

Sobotu popołdnju nětko zetka so šwarna ličba wjesnjanow kaž tež hosći zbliska a zdaloka na łuce niže gmejnskeho zarjada. Hižo do oficialneho přepo­daća rejwanskeje lipy hudźeše skupina Serbska reja k zabawje. Mały program při lipje zahaji skupina pěstowarskich dźěći, kotraž sej na kóncu programa staršich do rejki přeprosy a tak zaměr lipy zwobrazni. Tež čłonojo młodźinskeho kluba w narodnej drasće zarejwachu.

wozjewjene w: Lokalka
Prošu přizjewće so, chceće-li komentar podać

słowo lěta 2020

nawěšk