Klětušej damje kamelijow z wosebitymi darami

wutora, 21. decembera 2021
artikl hódnoćić
(0 )
Lilly a Johanna (wotlěwa) z Wyšeje šule Kinspork, kotrejž poručatej parfim z łopješkow kamelije, stej kamelijowej damje lěta 2022.  Foto: Peter Sonntag Lilly a Johanna (wotlěwa) z Wyšeje šule Kinspork, kotrejž poručatej parfim z łopješkow kamelije, stej kamelijowej damje lěta 2022. Foto: Peter Sonntag

Kinspork (SN/MiR). W času kćějacych kamelijow ma Kinspork wosebitej pósłanči. 15lětna Lilly a 13lětna Johanna buštej za kamelijowej damje za lěto 2022 wuzwolenej. Tradicija, zo šulerki tamnišeje wyšeje šule tele zastojnstwo wukonjeja, wobsteji mjeztym 17 lět. Damje přewodźatej dobu kćějacych kamelijow a staratej so wo wopytowarjow. Kinsporske domizniske towarstwo hižo wjacore lěta z městnymi šulemi a dźěćacymi dnjowymi přebywanišćemi hromadźe dźěła. „Wšako so dźěći a młodostni za nadobne kamelije, kotrež maja w měsće wulku tradiciju, horja. Zdobom zběraja nazhonjenja při zetkanjach ze slepymi ludźimi w domje kamelijow, při wosebitej prezentaciji hrodu po šćežce bajkow, při hladanju kamelijow a při tym, zeznać wosebity parfim, kreěrowany z našich kamelijow“, rjekny załožer a předsyda towarstwa Peter Sonntag. Wosebje hordźi su čłonojo towarstwa na to, zo sej ludźo jich angažement waža. W oktobru su za swój projekt, wuwić a poskićić kamelijowy parfim, přijeli Sakske wobydlerske myto, kotrež je najwyše wuznamjenjenje za čestnohamtske skutkowanje po cyłym swobodnym staće.

wozjewjene w: Lokalka
Prošu přizjewće so, chceće-li komentar podać

nawěšk